"Pari Sen-Jermen" bosh murabbiyi Luis Enrike jamoaning Chempionlar ligasida uchinchi bor ketma-ket g‘olib chiqish maqsadi bor-yo‘qligi haqidagi savolga javob berdi.
"Xotirjam bo‘ling... Biz hali bu musobaqada o‘ynashni ham boshlaganimiz yo‘q. Kamtar bo‘lib qolishimiz kerak", — deya ispaniyalik mutaxassisning so‘zlarini The Touchline keltirdi.
O‘tgan mavsum Chempionlar ligasi finalida "PSJ" "Arsenal"ni penaltilar seriyasida mag‘lub etgan edi. Asosiy vaqt 1:1 hisobida yakunlangan, penaltilar seriyasida esa parijliklar 4:3 hisobida ustun kelgan.
Undan bir yil avval esa "PSJ" finalda "Inter"ni 5:0 hisobida tor-mor etgan.
Luis Enrike shogirdlari yangi mavsumdagi Chempionlar ligasi yurishini 9 sentyabr kuni "Slovan Bratislava"ga qarshi uy uchrashuvi bilan boshlaydi.
