Entoni Gordon "Nyukasl"dan 70 million yevroga "Barselona"ga o‘tganidan so‘ng qisqa vaqt ichida yangi jamoadoshlarining hurmatini qozondi.

Diario Sport ma’lumotiga ko‘ra, Angliya terma jamoasi futbolchisi kamtarligi va professional munosabati bilan "Barselona" kiyim almashtirish xonasida hammaning e’tiborini tortgan.

Gordon so‘nggi yillarda klubning eng qimmat transferlaridan biri bo‘lishiga qaramay, o‘zini yulduz futbolchidek tutmayapti. Aksincha, u jamoaning oddiy a’zosi sifatida tezroq moslashishga harakat qilmoqda va klubdagi tajribali futbolchilarga katta hurmat bilan munosabatda bo‘lmoqda.

Uning Kataloniyadagi yangi hayotiga jiddiy yondashuvi klub rahbariyatida ham yaxshi taassurot qoldirgan. Hozircha til masalasi ma’lum qiyinchilik tug‘dirayotgan bo‘lsa-da, vinger ispan tilini jadal o‘rganmoqda. Shuningdek, u mahalliy madaniyatni yaxshiroq tushunish uchun katalon tilini ham o‘rganishga qiziqish bildirgan.

Gordon Xans-Diter Flikning talabchan o‘yin tizimiga ham tez moslashdi. U La Liganing dastlabki 3 ta uchrashuvida 3 ta golli uzatmani amalga oshirdi.