Braziliyalik hujumchi Anderson Taliska «Fenerbaxche»ni tark etgach, faoliyatini qayerda davom ettirishini deyarli hal qildi. Bu haqda jurnalist Reshat Jan Ozbudak ijtimoiy tarmoqlarda ma’lum qildi.

32 yoshli Taliska yaqin vaqt ichida BAAning «Al-Jazira» klubi bilan shartnoma imzolaydi. Kelishuv ikki yilga mo‘ljallangan bo‘lib, yana bir mavsumga uzaytirish imkoniyatini ham o‘z ichiga oladi.

Futbolchining yillik maoshi 10 million yevrodan biroz ko‘proqni tashkil etadi. Transferni rasmiylashtirish uchun u tibbiy ko‘rikdan o‘tadi.