«Atletiko»ning yangi hujumchisi Jonatan Devid Madrid klubidagi debyutidan oldin muxlislar tanqidiga uchradi. Bu haqda Gazzetta dello Sport xabar berdi.
Ijtimoiy tarmoqlarda muxlislar 26 yoshli futbolchining jismoniy holatiga e’tibor qaratdi. Ayrim izohlarda Devid ortiqcha vaznga ega ekani aytilgan va uning tashqi ko‘rinishi tanqid qilingan.
Kanadalik futbolchini «Atletiko»ning sobiq hujumchisi Antuan Grizmann himoya qildi. Hozir «Orlando Siti»da o‘ynayotgan fransuz tanqidiy videolardan biri ostiga shunday izoh qoldirdi:
«Balkim, semiz va mitti maxluq o‘zingdir?»
Yozgi transfer oynasi so‘ngida «Yuventus»dan ijara asosida «Atletiko»ga o‘tgan Devid Diyego Simeone jamoasi bilan mashg‘ulotlarni boshladi.
