«Атлетико»нинг янги ҳужумчиси Жонатан Дэвид Мадрид клубидаги дебютидан олдин мухлислар танқидига учради. Бу ҳақда Gazzetta dello Sport хабар берди.
Ижтимоий тармоқларда мухлислар 26 ёшли футболчининг жисмоний ҳолатига эътибор қаратди. Айрим изоҳларда Дэвид ортиқча вазнга эга экани айтилган ва унинг ташқи кўриниши танқид қилинган.
Канадалик футболчини «Атлетико»нинг собиқ ҳужумчиси Антуан Гризманн ҳимоя қилди. Ҳозир «Орландо Сити»да ўйнаётган француз танқидий видеолардан бири остига шундай изоҳ қолдирди:
«Балким, семиз ва митти махлуқ ўзингдир?»
Ёзги трансфер ойнаси сўнгида «Ювентус»дан ижара асосида «Атлетико»га ўтган Дэвид Диего Симеоне жамоаси билан машғулотларни бошлади.
