O‘zbekiston Superligasining 20-turidan o‘rin olgan "Bunyodkor" — "Surxon" uchrashuvi yakunlandi.
Toshkentdagi "Jar" stadionida o‘tgan bahsda mehmonlar 1:0 hisobida g‘alaba qozondi.
Uchrashuvdagi yagona gol 77-daqiqada urildi. Komronbek Yusupovning uzatmasidan keyin Tornike Dzebniauri to‘pni darvozaga joylab, "Surxon"ni hisobda oldinga olib chiqdi.
Bunga qadar, 67-daqiqada "Bunyodkor" himoyachisi Islom Anvarov maydondan chetlatilgan va mezbonlar o‘yinning qolgan qismini bir kishi kam bo‘lib o‘tkazishga majbur bo‘lgandi.
Qolgan vaqtda "Bunyodkor" hisobni tenglashtira olmadi va "Surxon" Toshkentdan muhim uch ochko bilan qaytdi.
