Ўзбекистон Суперлигасининг 20-туридан ўрин олган "Бунёдкор" — "Сурхон" учрашуви якунланди.
Тошкентдаги "Жар" стадионида ўтган баҳсда меҳмонлар 1:0 ҳисобида ғалаба қозонди.
Учрашувдаги ягона гол 77-дақиқада урилди. Комронбек Юсуповнинг узатмасидан кейин Торнике Дзебниаури тўпни дарвозага жойлаб, "Сурхон"ни ҳисобда олдинга олиб чиқди.
Бунга қадар, 67-дақиқада "Бунёдкор" ҳимоячиси Ислом Анваров майдондан четлатилган ва мезбонлар ўйиннинг қолган қисмини бир киши кам бўлиб ўтказишга мажбур бўлганди.
Қолган вақтда "Бунёдкор" ҳисобни тенглаштира олмади ва "Сурхон" Тошкентдан муҳим уч очко билан қайтди.
