«Al-Ittihod» «Zenit» vingeri Luis Enrike transferini amalga oshirishi mumkin.
Insayder Fabrisio Romano ma’lumotiga ko‘ra, Saudiya Arabistoni klubi 25 yoshli Braziliya terma jamoasi futbolchisi bo‘yicha allaqachon so‘rov yuborgan. Biroq «Al-Ittihod»ning asosiy transfer maqsadi — «Feyenoord» vingeri Anis Haj-Mussa.
L’Equipe ma’lumotiga ko‘ra, «Al-Ittihod» 24 yoshli Jazoir terma jamoasi futbolchisi uchun 40 million yevro miqdorida yakuniy taklif yuborgan.
Haj-Mussaning o‘zi ham klubini almashtirish niyatida. U kecha «Feyenoord»ning Niderlandiya chempionatida NEKka qarshi 3:1 hisobida yakunlangan uchrashuvida maydonga tushishdan bosh tortgan.
Saudiya Arabistonida transfer oynasi bugun kechqurun yopiladi.
