"Arsenal" bosh murabbiyi Mikel Arteta Premyer-liganing uchinchi turida "Chelsi" ustidan qozonilgan 2:1 hisobidagi g‘alaba haqida fikr bildirdi.

"Boshlanish eng yaxshi bo‘lmadi, lekin biz, albatta, ajoyib javob berdik. Menga bizning kurash uslubimiz yoqdi. Biz tavakkal qildik - tomosha qilish juda yoqimli edi, bu ajoyib o‘yin edi.

Ularda jamoani o‘yinga yaxshi tayyorlay oladigan ajoyib murabbiy bor. O‘yinchilarining sifati bilan ular istalgan vaqtda yo‘qdan biror narsa yaratishlari mumkin. Biz ularni yaxshi ushlab turdik. Umuman olganda, bu bizdan ajoyib o‘yin bo‘ldi."

Martin Edegor haqida:

"Menimcha, u futboldan zavqlanmoqda. Uning shaxsiy hayoti yaxshi, u mashg‘ulotlarga tayyor, uning o‘z tartibi bor va agar u aqlli o‘ynasa, atrofidagi o‘yinchilar bilan muloqotdan ko‘p foyda olishi mumkin. Menimcha, u bugun ajoyib edi."

Ligadagi uchta o‘yinda ham g‘alaba qozonish va atigi bitta gol o‘tkazib yuborish haqida:

"Biz juda xursandmiz va har safar o‘z darajamizni oshirishda davom etishimiz va yaxshilanishga intilishimiz kerak, chunki bizda o‘sish uchun imkoniyat bor. Biz g‘alabadan zavqlanishimiz kerak, chunki bugun bu juda muhim edi", dedi Arteta.