«Real»ning sobiq futbolchisi va bosh murabbiyi Xorxe Valdano Joze Mourinyu jamoa boshqaruviga qaytganidan keyingi ilk mag‘lubiyat haqida fikr bildirdi.

«Qirollik klubi» La Liganing 4-turida «Betis»ga 0:1 hisobida mag‘lub bo‘ldi.

«Bu juda noqulay paytda sodir bo‘ldi. Go‘yoki har bir o‘yindan keyin kuchayib borayotgandek ko‘ringan Madrid klubining quvonchini bu natija to‘xtatib qo‘ydi.

Bu barcha futbolchilar safda bo‘lgan birinchi o‘yin edi, murabbiyning ixtiyorida barcha futbolchilar mavjud bo‘lgan birinchi bahs edi va natija og‘ir zarba bo‘ldi.

Menimcha, bu juda, juda texnik jihatdan kuchli jamoa. Ular ko‘p gol urishadi, ammo aynan shu narsa Sevilyada ularga yetishmadi.

Men bu uchrashuvni so‘zning tom ma’nosida favqulodda deb hisoblayman. Bu odatiy bo‘lmagan, me’yordan tashqari chiqqan o‘yin bo‘ldi», — dedi Valdano Movistar Plus Deportes dasturida.