«Bavariya» hujumchisi Xarri Keyn «Oltin to‘p» uchun kurashdagi imkoniyatlari haqida fikr bildirdi.
«O‘tgan mavsumni qanday o‘tkazganimdan juda faxrlanaman. «Oltin to‘p»mi? Bu mening qo‘limda emas. Hammasi ovoz beradigan va qaror qabul qiladigan insonlarga bog‘liq.
O‘tgan mavsum faoliyatimdagi eng yaxshisi bo‘ldi. Endi menga faqat natijalarni kutish qoldi», — dedi Keyn TNT Sports nashriga bergan intervyusida.
2025/26 yilgi mavsumda Keyn «Bavariya» safida 51 ta o‘yin o‘tkazib, 61 ta gol urdi va 7 ta golli uzatma muallifi bo‘ldi.
2026 yilgi jahon chempionatida esa Keyn Angliya terma jamoasi bilan bronza medalini qo‘lga kiritdi. U musobaqada 7 ta o‘yinda 7 ta gol va 1 ta golli uzatma qayd etdi.
