«Бавария» ҳужумчиси Харри Кейн «Олтин тўп» учун курашдаги имкониятлари ҳақида фикр билдирди.
«Ўтган мавсумни қандай ўтказганимдан жуда фахрланаман. «Олтин тўп»ми? Бу менинг қўлимда эмас. Ҳаммаси овоз берадиган ва қарор қабул қиладиган инсонларга боғлиқ.
Ўтган мавсум фаолиятимдаги энг яхшиси бўлди. Энди менга фақат натижаларни кутиш қолди», — деди Кейн TNT Sports нашрига берган интервьюсида.
2025/26 йилги мавсумда Кейн «Бавария» сафида 51 та ўйин ўтказиб, 61 та гол урди ва 7 та голли узатма муаллифи бўлди.
2026 йилги жаҳон чемпионатида эса Кейн Англия терма жамоаси билан бронза медалини қўлга киритди. У мусобақада 7 та ўйинда 7 та гол ва 1 та голли узатма қайд этди.
