«Manchester Siti» yarim himoyachisi Enso Fernandes jamoa bosh murabbiyi Enso Mareskaga minnatdorchilik bildirdi.

Italiyalik murabbiy avval «Chelsi»da birga ishlagan argentinalik futbolchini jamoaga olib kelishni juda istagan. «Shaharliklar» yarim himoyachini «ko‘klar»dan 145 million yevro evaziga sotib oldi.

«Mareska mening «Manchester Siti»ga o‘tishim uchun qo‘lidan kelgan barcha ishni qilganidan juda xursandman. Murabbiyga barchasi uchun minnatdorman — u men va oilam uchun ko‘p ish qildi. Uning ishonchiga javob qaytarish uchun har bir mashg‘ulot va har bir o‘yinda 100 foiz kuchimni sarflayman», — dedi Fernandes jurnalist Fabrisio Romanoga.

Seshanba kuni yangi futbolchi «shaharliklar» safidagi birinchi samarali harakatini amalga oshirdi: u Chempionlar ligasida «Portu»ga qarshi o‘yinda (2:0) Erling Xolandga golli uzatma berdi.