«Манчестер Сити» ярим ҳимоячиси Энцо Фернандес жамоа бош мураббийи Энцо Марескага миннатдорчилик билдирди.

Италиялик мураббий аввал «Челси»да бирга ишлаган аргентиналик футболчини жамоага олиб келишни жуда истаган. «Шаҳарликлар» ярим ҳимоячини «кўклар»дан 145 миллион евро эвазига сотиб олди.

«Мареска менинг «Манчестер Сити»га ўтишим учун қўлидан келган барча ишни қилганидан жуда хурсандман. Мураббийга барчаси учун миннатдорман — у мен ва оилам учун кўп иш қилди. Унинг ишончига жавоб қайтариш учун ҳар бир машғулот ва ҳар бир ўйинда 100 фоиз кучимни сарфлайман», — деди Фернандес журналист Фабрицио Романога.

Сешанба куни янги футболчи «шаҳарликлар» сафидаги биринчи самарали ҳаракатини амалга оширди: у Чемпионлар лигасида «Порту»га қарши ўйинда (2:0) Эрлинг Холандга голли узатма берди.