«Manchester Yunayted»ning sobiq hujumchisi Antoni Marsyal Ispaniya chempionatida faoliyatini davom ettirishi mumkin, deb xabar berdi insayder Matteo Moretto ijtimoiy tarmoqlarda.
Jurnalistga ma’lum bo‘lishicha, 30 yoshli fransiyalik futbolchining transferi «Malaga» klubini qiziqtirmoqda. Marsyal La Ligada o‘ynash tajribasiga ega. Avvalroq hujumchi «Sevilya» sharafini himoya qilgan.
Antonining so‘nggi jamoasi Meksikaning «Monterrey» klubi bo‘lgan. Fransiyalik futbolchi o‘tgan mavsumda Meksika chempionatida 17 ta o‘yin o‘tkazib, 1 ta gol va 2 ta golli uzatmani o‘z hisobiga yozdi.
La Liganing dastlabki to‘rt turidan keyin «Malaga» 2 ochko bilan quyi ligaga tushib ketish zonasida turibdi.
