«Манчестер Юнайтед»нинг собиқ ҳужумчиси Антони Марсьяль Испания чемпионатида фаолиятини давом эттириши мумкин, деб хабар берди инсайдер Маттео Моретто ижтимоий тармоқларда.
Журналистга маълум бўлишича, 30 ёшли франциялик футболчининг трансфери «Малага» клубини қизиқтирмоқда. Марсьяль Ла Лигада ўйнаш тажрибасига эга. Аввалроқ ҳужумчи «Севилья» шарафини ҳимоя қилган.
Антонининг сўнгги жамоаси Мексиканинг «Монтеррей» клуби бўлган. Франциялик футболчи ўтган мавсумда Мексика чемпионатида 17 та ўйин ўтказиб, 1 та гол ва 2 та голли узатмани ўз ҳисобига ёзди.
Ла Лиганинг дастлабки тўрт туридан кейин «Малага» 2 очко билан қуйи лигага тушиб кетиш зонасида турибди.
