Londonning «Arsenal» klubi yarim himoyachisi Deklan Rays Chempionlar ligasida «Napoli» ustidan qozonilgan 1:0 hisobidagi g‘alabadan so‘ng fikr bildirdi.
«Kanonirlar» Italiyadagi minimal g‘alabaga 75-daqiqada Martin Edegor urgan gol evaziga erishdi.
«Menimcha, agar vaziyatlardan foydalanishda sovuqqonroq bo‘lganimizda, bugun to‘rt yoki beshta gol urishimiz mumkin edi. Darvozabon maydoni ichida bunchalik ko‘p gol urish imkoniyati kamdan-kam hollarda paydo bo‘ladi. Bu borada yanada yaxshiroq bo‘lishimiz kerak. Ammo qanday o‘ynaganimiz, futbolchilarning o‘rin almashishi va hujumdagi uyg‘unlikni ham ta’kidlash muhim — bularning barchasi bizga shuncha ko‘p vaziyat yaratish imkonini berdi. Gol esa juda chiroyli chiqdi. Martin yana gol urib, jamoaga muhim uch ochko olib kelganidan xursandman», — dedi Rays.
Mikel Arteta jamoasi joriy mavsum boshidan buyon o‘tkazgan beshta uchrashuvning barchasida g‘alaba qozondi.
