«Barselona» yarim himoyachisi Pedri jamoa safidagi 250-uchrashuvini o‘tkazdi. Ispaniyalik futbolchi bu marraga atigi 23 yoshida yetdi.

Pedri uchun yubiley o‘yin Chempionlar ligasi umumiy bosqichida «Feyenoord»ga qarshi kechdi. Chorshanba kuni «Kamp Nou»da o‘tkazilgan bahs «Barselona»ning yirik — 5:1 hisobidagi g‘alabasi bilan yakunlandi.

Uchrashuvda golli uzatma amalga oshirgan Pedri ijtimoiy tarmoqda: «Bu futbolkadagi 250-o‘yinim. Futboldan hanuz ilk uchrashuvimdagidek zavq olyapman», — deb yozdi.