"Atletiko"ning argentinalik hujumchisi Xulian Alvares katta ehtimol bilan kamida joriy mavsum oxirigacha Madrid klubida qoladi.
El Nacional xabariga ko‘ra, o‘tgan yozda "Barselona"ga transferi amalga oshmaganidan so‘ng, Alvares yanvar oyida klubdan ketish uchun bosim o‘tkazish niyatida emas.
Qayd etilishicha, hujumchi "Atletiko" bilan yana mojaroga borishni istamayapti, chunki tomonlar o‘rtasidagi munosabatlar endigina yaxshilana boshlagan.
Shu bilan birga, "Barselona" Alvaresga qiziqishni saqlab qolmoqda. Biroq kataloniyaliklar hozir tarkibni kuchaytirish uchun boshqa nomzodlarni ham o‘rganmoqda.
Joriy mavsumda Alvares barcha musobaqalar hisobida uchta o‘yinda maydonga tushib, bitta golli uzatmani amalga oshirdi.
