"Атлетико"нинг аргентиналик ҳужумчиси Хулиан Альварес катта эҳтимол билан камида жорий мавсум охиригача Мадрид клубида қолади.
El Nacional хабарига кўра, ўтган ёзда "Барселона"га трансфери амалга ошмаганидан сўнг, Альварес январь ойида клубдан кетиш учун босим ўтказиш ниятида эмас.
Қайд этилишича, ҳужумчи "Атлетико" билан яна можарога боришни истамаяпти, чунки томонлар ўртасидаги муносабатлар эндигина яхшилана бошлаган.
Шу билан бирга, "Барселона" Альваресга қизиқишни сақлаб қолмоқда. Бироқ каталонияликлар ҳозир таркибни кучайтириш учун бошқа номзодларни ҳам ўрганмоқда.
Жорий мавсумда Альварес барча мусобақалар ҳисобида учта ўйинда майдонга тушиб, битта голли узатмани амалга оширди.
