Fransiya terma jamoasi va Madridning «Real» klubi hujumchisi Kilian Mbappe Jahon chempionatlari tarixidagi eng yaxshi to‘purar maqomiga munosabati haqida gapirdi. Jahon chempionatidan so‘ng 27 yoshli futbolchi hisobida 22 ta gol bor. U 39 yoshli Argentina terma jamoasi hujumchisi Lionel Messidan bir golga o‘zib ketdi.
«Jahon chempionatida g‘olib chiqish juda qiyin. Bu buyuk futbolchilar, yulduzlar va futbol tarixidagi eng yaxshi o‘yinchilar ishtirok etadigan musobaqa. 27 yoshimdayoq eng ko‘p gol urgan futbolchiga aylanganimni o‘ylashning o‘zi ajoyib.
Bundan tashqari, bu fantastika, chunki siz ko‘pchilik Krishtianu [Ronaldu] bilan birga futbol tarixidagi eng yaxshi futbolchi deb hisoblaydigan Leo Messining rekordini yangilayapsiz. Bu aqlga sig‘maydi. Bunday yutuqlar alohida ahamiyatga ega», — deya Mbappening so‘zlarini L’Équipe manbasiga tayangan holda AS keltirdi.
