Франция терма жамоаси ва Мадриднинг «Реал» клуби ҳужумчиси Килиан Мбаппе Жаҳон чемпионатлари тарихидаги энг яхши тўпурар мақомига муносабати ҳақида гапирди. Жаҳон чемпионатидан сўнг 27 ёшли футболчи ҳисобида 22 та гол бор. У 39 ёшли Аргентина терма жамоаси ҳужумчиси Лионель Мессидан бир голга ўзиб кетди.

«Жаҳон чемпионатида ғолиб чиқиш жуда қийин. Бу буюк футболчилар, юлдузлар ва футбол тарихидаги энг яхши ўйинчилар иштирок этадиган мусобақа. 27 ёшимдаёқ энг кўп гол урган футболчига айланганимни ўйлашнинг ўзи ажойиб.

Бундан ташқари, бу фантастика, чунки сиз кўпчилик Криштиану [Роналду] билан бирга футбол тарихидаги энг яхши футболчи деб ҳисоблайдиган Лео Мессининг рекордини янгилаяпсиз. Бу ақлга сиғмайди. Бундай ютуқлар алоҳида аҳамиятга эга», — дея Мбаппенинг сўзларини L’Équipe манбасига таянган ҳолда AS келтирди.