Amaldagi «Oltin to‘p» sohibi Usman Dembele katta intervyu berib, dunyoning eng yaxshi futbolchisi maqomi unga qanday bosim o‘tkazayotgani haqida gapirdi va 2026 yilgi sovrin uchun o‘z favoritlarini aytdi. Taqdirlash marosimi 26 oktyabr kuni Londonda bo‘lib o‘tadi.

«Egoingiz ustunlik qilishiga yo‘l qo‘ymasligingiz kerak. Bu har bir futbolchi ustida ishlashi kerak bo‘lgan jihat, ayniqsa “Oltin to‘p” sohibi bo‘lsangiz. O‘zingiz bo‘lib qolishingiz kerak, aks holda bu maqom sizni o‘z domiga tortib ketishi mumkin. Ba’zan osmondan yerga tushish kerak. Nima bo‘lishidan qat’i nazar, men avvalgidek inson bo‘lib qolishni xohlayman. Qayerdan kelganimni unutishni istamayman, bu darajaga yetishimda jamoadoshlarim yordam berganini ham unutmoqchi emasman».

Fransiyalik futbolchi sovrin qayerda qolishi borasida hech qanday shubha yo‘qligini ham ta’kidladi.

«Menimcha, bu yerda hech qanday noaniqlik yo‘q. O‘ylaymanki, sovrin PSJ futbolchisining qo‘lida qoladi».

Shu bilan birga, Dembele o‘zini sovrin uchun asosiy favoritlar qatoriga qo‘shmadi.

«Men hech qachon o‘zim uchun ovoz bermayman».

U asosiy da’vogarlar orasida Xvicha Kvarasxeliya, Xarri Keyn va Kilian Mbappeni qayd etdi.