"Tottenxem" Angliya Premyer-ligasining joriy mavsumida hali ham g‘alaba qozona olmadi.
Roberto De Dzerbi shogirdlari 4-turda "Everton" bilan 0:0 hisobida durang o‘ynadi.
Bunga qadar London klubi "Brentford"ga 0:3, "Nyukasl"ga 0:2 hisobida mag‘lub bo‘lgan, "Nottingem Forest" bilan esa 0:0 hisobida durang o‘ynagan edi.
"Tottenxem" yozgi transferlar oynasida yangi futbolchilar uchun 300 million funtdan ortiq mablag‘ sarfladi. Jumladan, Sandro Tonali "Nyukasl"dan 100 million funtga, Mateush Fernandesh "Vest Xem"dan 85 millionga, Jan-Pol van Xekke "Brayton"dan 52 millionga, Savinyo "Manchester Siti"dan 85 millionga, Tosin Adarabioyo esa "Chelsi"dan 7 million funtga xarid qilindi.
Mixail Mudrik va Omar Marmush "Tottenxem"ga ijara asosida kelib qo‘shildi. Londonliklar Marmushni keyinchalik "Manchester Siti"dan 50 million funt va yana 10 million bonus evaziga sotib olishi shart.
Shuningdek, Markos Senesi, Endryu Robertson va Martin Dubravka jamoaga erkin agent sifatida kelib qo‘shildi.
Ayni paytda "Tottenxem" 4 turdan keyin 2 ochko bilan turnir jadvalida 17-o‘rinda bormoqda va tur yakunlariga ko‘ra xavfli zonaga tushib qolishi mumkin.
Eslatib o‘tamiz, klub o‘tgan mavsum APLni 41 ochko bilan 17-o‘rinda yakunlagan edi.
