«Tottenxem» 2019 yil aprelida yangi stadioniga ko‘chib o‘tgandi. Shundan beri jamoa Premyer-ligada o‘z maydonida turlicha natijalar qayd etdi: yorqin g‘alabalar ham, alamli mag‘lubiyatlar ham, unchalik ajralib turmaydigan o‘yinlar ham bo‘ldi.
Biroq 2026 yil 12 sentyabrga qadar «Tottenxem Xotspur Stedium»da Premyer-liga doirasidagi birorta ham o‘yin 0:0 hisobida yakunlanmagandi.
Ushbu arenada 140 ta APL uchrashuvi o‘tkazilganidan keyin ilk bor golsiz durang qayd etildi. Roberto De Dzerbi boshchiligidagi «Tottenxem» «Everton» bilan 0:0 hisobida durang o‘ynadi.
Qizig‘i, «Tottenxem» bunga qadar Premyer-ligadagi uy uchrashuvini 0:0 hisobida 2017 yil sentyabrida yakunlagandi. O‘shanda «shporlar» «Uembli» stadionida «Suonsi» bilan ochkolarni bo‘lishib olgan.
