Germaniya Bundesligasining 3-turida Frankfurtning «Ayntraxt» jamoasi safarda «Mayns»ni 3:1 hisobida mag‘lub etdi.
Birinchi bo‘lim oxirida mezbonlarda o‘yin taqdirini o‘zgartirish uchun juda yaxshi imkoniyat yuzaga keldi. «Mayns» penalti tepish huquqini qo‘lga kiritdi, ammo Nadim Amirining zarbasini «Ayntraxt» darvozaboni Noa Atubolu qaytardi.
Ma’lum bo‘lishicha, bu Atubolu tomonidan ketma-ket qaytarilgan oltinchi penalti bo‘ldi. Bungacha u beshta penaltini «Frayburg» safida qaytargan edi.
Atubolu yozda «Frayburg»ni tark etib, «Ayntraxt»ga ko‘chib o‘tgandi.
Ayni paytda Frankfurt jamoasi Bundesliga turnir jadvalida sakkizinchi o‘rinni egallab turibdi.
