Германия Бундеслигасининг 3-турида Франкфуртнинг «Айнтрахт» жамоаси сафарда «Майнц»ни 3:1 ҳисобида мағлуб этди.
Биринчи бўлим охирида мезбонларда ўйин тақдирини ўзгартириш учун жуда яхши имконият юзага келди. «Майнц» пенальти тепиш ҳуқуқини қўлга киритди, аммо Надим Амирининг зарбасини «Айнтрахт» дарвозабони Ноа Атуболу қайтарди.
Маълум бўлишича, бу Атуболу томонидан кетма-кет қайтарилган олтинчи пенальти бўлди. Бунгача у бешта пенальтини «Фрайбург» сафида қайтарган эди.
Атуболу ёзда «Фрайбург»ни тарк этиб, «Айнтрахт»га кўчиб ўтганди.
Айни пайтда Франкфурт жамоаси Бундеслига турнир жадвалида саккизинчи ўринни эгаллаб турибди.
