Londonning «Arsenal» klubi vingeri Bukayo Saka «Sanderlend»ga qarshi uchrashuvda gol urishga muvaffaq bo‘ldi. «Kanonirlar» mazkur bahsda 2:0 hisobida g‘alaba qozondi.
25 yoshli futbolchi 98-daqiqada penaltini aniq amalga oshirib, uchrashuvning yakuniy hisobini belgiladi. Bu Sakaning Premyer-ligadagi faoliyati davomida urgan 63-goli bo‘ldi.
Shu tariqa, u ushbu ko‘rsatkich bo‘yicha Devid Bekxem, Rober Pires va Sten Kollimorni ortda qoldirdi. Ularning har biri Angliya Premyer-ligasida 62 tadan gol urgan.
«Arsenal» to‘rt turdan so‘ng 12 ochko jamg‘arib, turnir jadvalida peshqadamlik qilmoqda.
Mikel Arteta jamoasi 15 sentyabr kuni Angliya Liga kubogining uchinchi bosqichida safarda «Ipsvich»ga qarshi maydonga tushadi. 19 sentyabr kuni esa «Arsenal» Premyer-liga doirasida mehmonda «Brayton» bilan uchrashadi.
