Лондоннинг «Арсенал» клуби вингери Букайо Сака «Сандерленд»га қарши учрашувда гол уришга муваффақ бўлди. «Канонирлар» мазкур баҳсда 2:0 ҳисобида ғалаба қозонди.
25 ёшли футболчи 98-дақиқада пенальтини аниқ амалга ошириб, учрашувнинг якуний ҳисобини белгилади. Бу Саканинг Премьер-лигадаги фаолияти давомида урган 63-голи бўлди.
Шу тариқа, у ушбу кўрсаткич бўйича Дэвид Бекхэм, Робер Пирес ва Стэн Коллиморни ортда қолдирди. Уларнинг ҳар бири Англия Премьер-лигасида 62 тадан гол урган.
«Арсенал» тўрт турдан сўнг 12 очко жамғариб, турнир жадвалида пешқадамлик қилмоқда.
Микель Артета жамоаси 15 сентябрь куни Англия Лига кубогининг учинчи босқичида сафарда «Ипсвич»га қарши майдонга тушади. 19 сентябрь куни эса «Арсенал» Премьер-лига доирасида меҳмонда «Брайтон» билан учрашади.
