«Liverpul» PSV yarim himoyachisi Paul Vannerga qiziqish bildirmoqda, ammo futbolchi uchun kurashda «Real» va «Bavariya» ham raqobat qilmoqda. 20 yoshli nemis Eredivizidagi eng istiqbolli yosh futbolchilardan biri hisoblanadi.

«Bavariya» Vannerni sotib olish opsiyasini saqlab qolgan va bu muzokaralar jarayoniga jiddiy ta’sir qilishi mumkin. PSV futbolchini yana bir mavsum jamoada saqlab qolishni istaydi, ammo juda manfaatli taklif tushsa, muzokaralarga kirishishni istisno qilmaydi.

PSV Vannerning transfer qiymatini 45–50 million yevro atrofida baholamoqda. Yakuniy summa bonuslar va futbolchining kelgusidagi sotuvi shartlariga bog‘liq bo‘lishi mumkin.