Mashhur agent Jorje Mendesh o‘z mijozi Lamin Yamal joriy yilda «Oltin to‘p»ni qo‘lga kiritishi kerak, deb hisoblaydi.
19 yoshli futbolchi o‘tgan mavsumda «Barselona» tarkibida La Liga g‘olibi bo‘ldi, yozda esa Ispaniya terma jamoasiga Jahon chempionatida g‘olib chiqishga yordam berdi.
«Lamin Yamal «Oltin to‘p»ga loyiq. U katta farq bilan eng yaxshisi va buni siz ham juda yaxshi bilasiz», — deya Mendeshning so‘zlarini The Touchline keltirmoqda.
Ispaniyalik vingerning o‘zi ham nufuzli individual sovringa munosib ekanini ta’kidlagan. «Oltin to‘p»ni topshirish marosimi 26 oktyabr kuni Londonda bo‘lib o‘tadi. O‘tgan yili «PSJ» futbolchisi Usman Dembele g‘olib bo‘lgan.
