«Manchester Yunayted»ning sobiq mashhur futbolchisi Rayan Giggz hozirgi «Arsenal» tarkibida qaysi futbolchi unga eng ko‘p yoqishi haqida gapirdi.
Uelslik sobiq futbolchi mavsum boshida ta’sirli o‘yin ko‘rsatayotgan «kanonirlar» sardori Martin Edegorni alohida qayd etdi.
«Hozir u hamma narsani nazorat qilayotgandek tuyuladi: to‘p uchun himoyachilar to‘rtligi yoniga tushishga ham, raqib himoyachilari ortiga yugurib kirishga ham ulguradi. U go‘yoki maydonning har bir joyida bordek», — deya Giggzning so‘zlarini Arsenal Radar keltirmoqda.
Martin Edegor joriy mavsumda Mikel Arteta jamoasi safida 6 ta o‘yinda 4 ta gol urdi.
Seshanba kuni «Arsenal» Liga kubogining uchinchi bosqichida safarda «Ipsvich»ga qarshi o‘ynaydi.
