Agent Jorje Mendesh o‘z mijozi Alexandro Baldening «Barselona»dagi kelajagi haqidagi savolga javob berdi.
«Barselona» bosh murabbiyi Xans-Diter Flik joriy mavsumda 22 yoshli chap qanot himoyachisini hali biror marta maydonga tushirmadi. Ispaniyalik futbolchining o‘tgan yozda jamoadan ketishi mumkinligi aytilgan edi, ammo u «Barselona»da qolishni tanladi.
«Baldening kelajagi? U bilan hammasi yaxshi bo‘ladi, xavotir olmang», — deya Mendeshning so‘zlarini The Touchline keltirmoqda.
Transfermarkt ekspertlari Alexandro Baldening qiymatini 50 million yevro deb baholamoqda. Futbolchining «Barselona» bilan amaldagi shartnomasi 2028 yil o‘rtasiga qadar mo‘ljallangan.
16 sentyabr kuni «Barselona» La Liganing 6-turida «Rasing»ga qarshi maydonga tushadi.
