Londonning «Chelsi» klubi braziliyalik vingeri Estevao Yevropa klublari e’tiboriga tushdi.

Jurnalist Ekrem Konur ma’lumotiga ko‘ra, 19 yoshli futbolchi xizmatlariga «Barselona» va «Liverpul» qiziqish bildirmoqda. Kataloniyaliklarning sport direktori Deku va mersisaydliklar skautlari uning o‘yinidan hayratda, ammo «Chelsi» futbolchini sotishni rejalashtirmayapti va unga maoshini oshirishni ko‘zlamoqda.

Qayd etilishicha, «Chelsi» rahbariyati Estevaoning qiymatini taxminan 110–120 million yevro deb baholamoqda.

Joriy mavsumda vinger barcha turnirlarda beshta uchrashuvda maydonga tushdi, ammo hozircha golli harakatlarni amalga oshira olmadi.