Angliya terma jamoasi va "Bavariya" hujumchisi Xarri Keyn 2026 yilgi "Oltin to‘p" uchun kurashda ommaviy bayonotlar yoki maxsus targ‘ibot kampaniyasidan foydalanishni rejalashtirmayapti. Bu haqda The Touchline xabar berdi.
Manba ma’lumotiga ko‘ra, myunxenliklar forvardi mavsumni "Oltin to‘p"ga da’vogar futbolchilar orasida gol va golli uzatmalar bo‘yicha eng yaxshi ko‘rsatkich bilan yakunlaganiga qaramay, o‘z nomzodini alohida targ‘ib qilmoqchi emas.
Futbolchi atrofidagilarning ta’kidlashicha, bunday yondashuv Keynning butun faoliyatiga xos. U doimo shaxsiy e’tirofdan ko‘ra jamoa manfaatlarini ustun qo‘yib kelgan va uning o‘rniga maydondagi o‘yini gapirishini afzal bilgan.
Keyn futboldagi eng nufuzli individual mukofotga da’vogarlar qatorida ekanidan faxrlanadi, ammo bu uning kamtarona pozisiyasini o‘zgartirmaydi.
Ayni paytda uning asosiy maqsadi "Bavariya"ga sovrinlar qo‘lga kiritishda yordam berishdan iborat.
2025/26 yilgi mavsumda Keyn barcha musobaqalarda 65 ta uchrashuv o‘tkazib, 73 ta gol urdi.
2026 yilgi "Oltin to‘p"ni topshirish marosimi 26 oktyabr, dushanba kuni Londonda bo‘lib o‘tadi.
