"Milan" bosh murabbiyi Ruben Amorim "Benfika"ga qarshi Yevropa ligasi uchrashuvi oldidan jamoaning musobaqadagi maqsadlari haqida fikr bildirdi.

"Bu biz uchun katta imkoniyat va turnirdagi birinchi o‘yinimiz. "Benfika" bilan Yevropa miqyosidagi bu qarama-qarshilik katta tarixga ega. Rui Koshta ham o‘sha yerda bo‘ladi — u "Milan" afsonalaridan biri. Men esa avval "Benfika" safida o‘ynaganman. Ammo eng muhimi, bu bizning mazkur turnirdagi birinchi uchrashuvimiz", — dedi Amorim.

Portugaliyalik mutaxassis "Milan"ni Yevropa ligasining yaqqol favoriti deb atashdan bosh tortdi.

"Biz bu musobaqada ishtirok etyapmiz va uni yutishni xohlaymiz. Asosiy favorit ekanimizni aniq aytish qiyin. Turnirda ko‘plab kuchli jamoalar bor va ularning bir nechtasi finalga chiqish imkoniyatiga ega.

Agar jarohatlardan qocha olsak va barcha futbolchilar mavsum oxirigacha maksimal konsentrasiyani saqlab qolsa, istalgan o‘yinda g‘alaba qozona olamiz. Shuning uchun bizning aniq maqsadimiz — ushbu musobaqani yutishga harakat qilish", — deya qo‘shimcha qildi Amorim.

"Milan" va "Benfika" o‘rtasidagi uchrashuv 16 sentyabr kuni bo‘lib o‘tadi. Bahs Toshkent vaqti bilan soat 23:59 da boshlanadi.

Uchrashuvni angliyalik hakam Jarred Jillett boshqarib boradi.