«Liverpul» Liga kubogi 1/16 finali doirasida «Tottenxem»ni qabul qilib, 3:1 hisobida g‘alaba qozondi.

Uchrashuvning 21-daqiqasida Aleksis MakAllister «Liverpul»ni oldinga olib chiqdi. 54-daqiqada Kodi Gakpo MakAllisterning uzatmasidan so‘ng hisobni 2:0 ko‘rinishiga keltirdi.

69-daqiqada Konor Gallaxer «Tottenxem»ning bitta gol urib, farqni qisqartirdi. Biroq qo‘shib berilgan vaqtda «Liverpul» yarim himoyachisi Dominik Soboslai yana bir bor raqib darvozasini ishg‘ol qilib, jamoasiga 3:1 hisobidagi g‘alabani ta’minladi.

«Liverpul»ning Liga kubogi 1/8 finalidagi raqibi keyinroq aniqlanadi. Avvalroq ushbu bosqichga «Kristal Pelas», «Sanderlend», «Chelsi», «Bornmut», «Nyukasl», «Bredford» va «Piterboro» jamoalari yo‘l olgan.

Qayd etish joiz, «Tottenxem» joriy mavsumda o‘tkazgan 6 ta o‘yinda atigi bir marta g‘alaba qozondi. Londonliklar bu mavsumdagi yagona g‘alabasini Liga kubogi 1/32 finalida «Charlton»ga qarshi bahsda qo‘lga kiritgan.

«LIVERPUL» – «TOTTENXEM» – 3:1 (1:0)
Gollar: MakAllister, 21 (1:0), Gakpo, 54 (2:0), Gallaxer, 69 (2:1), Soboslai, 90 (3:1).