«Ливерпуль» Лига кубоги 1/16 финали доирасида «Тоттенхэм»ни қабул қилиб, 3:1 ҳисобида ғалаба қозонди.

Учрашувнинг 21-дақиқасида Алексис МакАллистер «Ливерпуль»ни олдинга олиб чиқди. 54-дақиқада Коди Гакпо МакАллистернинг узатмасидан сўнг ҳисобни 2:0 кўринишига келтирди.

69-дақиқада Конор Галлахер «Тоттенхэм»нинг битта гол уриб, фарқни қисқартирди. Бироқ қўшиб берилган вақтда «Ливерпуль» ярим ҳимоячиси Доминик Собослаи яна бир бор рақиб дарвозасини ишғол қилиб, жамоасига 3:1 ҳисобидаги ғалабани таъминлади.

«Ливерпуль»нинг Лига кубоги 1/8 финалидаги рақиби кейинроқ аниқланади. Аввалроқ ушбу босқичга «Кристал Пэлас», «Сандерленд», «Челси», «Борнмут», «Ньюкасл», «Брэдфорд» ва «Питерборо» жамоалари йўл олган.

Қайд этиш жоиз, «Тоттенхэм» жорий мавсумда ўтказган 6 та ўйинда атиги бир марта ғалаба қозонди. Лондонликлар бу мавсумдаги ягона ғалабасини Лига кубоги 1/32 финалида «Чарльтон»га қарши баҳсда қўлга киритган.

«ЛИВЕРПУЛЬ» – «ТОТТЕНХЭМ» – 3:1 (1:0)
Голлар: МакАллистер, 21 (1:0), Гакпо, 54 (2:0), Галлахер, 69 (2:1), Собослаи, 90 (3:1).