"Liverpul" yarim himoyachisi Aleksis Makallister Angliya Liga kubogi 3-bosqichida "Tottenxem" ustidan 3:1 hisobida qozonilgan g‘alabadan so‘ng o‘z fikrlari bilan o‘rtoqlashdi.

"Biz to‘p bilan qanday harakat qilishni yaxshi biladigan juda kuchli jamoaga qarshi o‘ynadik. Jarima maydoniga kirib borish va gol urishni yaxshi ko‘raman.

Gol urishim o‘zimga bo‘lgan ishonch va jamoaning g‘alabasi uchun juda muhim edi. Ammo bu atigi bitta o‘yin ekanini tushunishimiz kerak.

Hozir o‘zimni juda yaxshi his qilyapman va muxlislarning mehrini sezyapman. Bu men uchun juda muhim.

Yosh futbolchilar har kuni mashg‘ulotlarda bu yerda bo‘lishni istashlarini ko‘rsatishyapti. Ular bu imkoniyatga munosib.

Men ularga ancha ko‘p e’tibor beraman va ba’zida jahlim ham chiqadi. Ammo bu faqat ularning barchasi yaxshi bo‘lishini istaganim uchun, deb o‘ylayman.

Ular bu mavsum jamoa uchun juda-juda muhim futbolchilarga aylanadi", — deya Makallisterning so‘zlarini keltiradi BBC.

"Liverpul"ning Angliya Liga kubogi 4-bosqichidagi raqibi 16 sentyabr kuni o‘tkaziladigan qur’a natijasida ma’lum bo‘ladi.