Boliviya futbolida g‘alati va jiddiy holat yuz berdi. Mahalliy «Guabira» klubi «Olueys Redi»ga qarshi uchrashuvda 0:5 hisobida mag‘lub bo‘ldi.

O‘yindan keyin «Guabira» bosh murabbiyi Leonardo Eges jamoa darvozaboni Manuel Ferrel uchrashuv arafasida tahdidlar ola boshlaganini ma’lum qildi. Tahdidlar nafaqat futbolchining o‘ziga, balki uning oila a’zolariga ham qaratilgan.

Egesning aytishicha, shu yo‘l bilan darvozabonni o‘z jamoasiga qarshi «nimadir qilishga» majburlashga urinishgan. Bu haqda derbyderbyderby.it xabar berdi.

Shu bilan birga, murabbiy nima sababdan bunday vaziyatda darvozabonni almashtirmaganiga izoh bermagan.

Hodisa yuzasidan Boliviya prokuraturasi surishtiruv boshlagan.