Боливия футболида ғалати ва жиддий ҳолат юз берди. Маҳаллий «Гуабира» клуби «Олуэйс Реди»га қарши учрашувда 0:5 ҳисобида мағлуб бўлди.
Ўйиндан кейин «Гуабира» бош мураббийи Леонардо Эгес жамоа дарвозабони Мануэль Феррель учрашув арафасида таҳдидлар ола бошлаганини маълум қилди. Таҳдидлар нафақат футболчининг ўзига, балки унинг оила аъзоларига ҳам қаратилган.
Эгеснинг айтишича, шу йўл билан дарвозабонни ўз жамоасига қарши «нимадир қилишга» мажбурлашга уринишган. Бу ҳақда derbyderbyderby.it хабар берди.
Шу билан бирга, мураббий нима сабабдан бундай вазиятда дарвозабонни алмаштирмаганига изоҳ бермаган.
Ҳодиса юзасидан Боливия прокуратураси суриштирув бошлаган.
