«Botafogo» bosh murabbiylik lavozimi uchun Titeni asosiy nomzod sifatida ko‘rib chiqmoqda va u bilan uzoq muddatli loyiha amalga oshirishni rejalashtirmoqda.

ESPN Brasil ma’lumotiga ko‘ra, klub mutaxassisga kamida uch yillik shartnoma taklif qilishga tayyor.

«Botafogo» rahbariyati Titening Braziliya futbolidagi katta tajribasini uzoq muddatli loyiha uchun mos deb hisoblamoqda.

Tomonlar bir kun avval uchrashuv o‘tkazgan va muzokaralar ijobiy ruhda kechgani aytilmoqda. Manbaga ko‘ra, Tite ham klub bilan muloqotni davom ettirishga tayyor ekanini bildirgan.

Yaqin vaqt ichida tomonlar yana bir bor uchrashishi va ehtimoliy hamkorlikning keyingi shartlarini muhokama qilishi kutilmoqda.

Hozirda Martin Anselmi iste’fosidan keyin «Botafogo»ni vaqtincha Rodrigo Bellao boshqarmoqda.