«Ботафого» бош мураббийлик лавозими учун Титени асосий номзод сифатида кўриб чиқмоқда ва у билан узоқ муддатли лойиҳа амалга оширишни режалаштирмоқда.
ESPN Brasil маълумотига кўра, клуб мутахассисга камида уч йиллик шартнома таклиф қилишга тайёр.
«Ботафого» раҳбарияти Титенинг Бразилия футболидаги катта тажрибасини узоқ муддатли лойиҳа учун мос деб ҳисобламоқда.
Томонлар бир кун аввал учрашув ўтказган ва музокаралар ижобий руҳда кечгани айтилмоқда. Манбага кўра, Тите ҳам клуб билан мулоқотни давом эттиришга тайёр эканини билдирган.
Яқин вақт ичида томонлар яна бир бор учрашиши ва эҳтимолий ҳамкорликнинг кейинги шартларини муҳокама қилиши кутилмоқда.
Ҳозирда Мартин Ансельми истеъфосидан кейин «Ботафого»ни вақтинча Родриго Беллао бошқармоқда.
