«Shtutgart» markaziy yarim himoyachisi Anjelo Shtiller yozgi transfer oynasida «Bayer»ga o‘tish imkoniyatini rad etgan. Bu haqda BILD xabar berdi.
Manba ma’lumotiga ko‘ra, Leverkuzen klubi germaniyalik futbolchining vakillari bilan bog‘lanib, ehtimoliy transfer shartlarini muhokama qilgan. Ammo Shtiller uzoq mulohazadan so‘ng bu taklifni qabul qilmaslikka qaror qilgan.
Uning qaroriga ta’sir qilgan asosiy omillardan biri Chempionlar ligasida ishtirok etish imkoniyati bo‘lgan. Shtiller joriy mavsum «Shtutgart» bilan ushbu musobaqada o‘ynaydi, «Bayer» esa Yevropa ligasida qatnashadi.
Shuningdek, futbolchining «Shtutgart» bosh murabbiyi Sebastyan Xyoness bilan yaxshi munosabatlari ham muhim ahamiyat kasb etgan.
Shtillerning shartnomasida 37,5 mln yevrolik tovon puli bandi mavjud bo‘lib, u kelasi yozda yana kuchga kiradi. «Shtutgart» esa 3,5 mln yevro to‘lab, ushbu bandni bekor qilish huquqiga ega.
