"Barselona" hujumchisi Rafinya Dias joriy mavsumni o‘ta sermahsul boshlaganidan hayron emasligini bildirdi.

"Ko‘k-anorranglilar" sardori La Liganing 6-turida "Rasing"ga qarshi 7:2 hisobida yakunlangan uchrashuvda xet-trik qayd etdi.

29 yoshli braziliyalik futbolchi joriy mavsumda 7 ta o‘yinda 14 ta natijali harakat amalga oshirdi — 11 ta gol urdi va 3 ta golli uzatma berdi.

"Bu mavsumdagi ko‘rsatkichlarimdan hayron emasman. Buning uchun juda ko‘p mehnat qildim.

Bunday statistika kimgadir qo‘rqinchli ko‘rinishi mumkin, ammo men uchun emas. Chunki bunga erishish uchun qancha kuch sarflaganimni yaxshi bilaman", — dedi Rafinya.

Rafinya La Liga to‘purarlari poygasida 9 ta gol bilan peshqadamlik qilmoqda. U 7 tadan gol urgan jamoadoshi Lamin Yamal va "Real" hujumchisi Kilian Mbappeni ortda qoldirmoqda.