Kataloniyaning «Barselona» klubi hozircha CaixaBank bilan amaldagi kelishuvini uzaytirgani yo‘q. Bu holat klub bilan hamkorlik qilishni istagan boshqa ehtimoliy investorlarni ham qiziqtirmoqda.

Revolut kompaniyasi «Barselona»ga manfaatli taklif bilan chiqqan, ammo klub rahbariyati masalani o‘rganib chiqqach, hamkorlikdan voz kechishga majbur bo‘lgan.

Bu qarorning asosiy sababi — Luish Figu. Portugaliyalik sobiq futbolchi Revolut bilan yaqin hamkorlik qiladi va amalda kompaniyaning taniqli yuzlaridan biri hisoblanadi.

Aynan shu jihat «Barselona» rahbariyatiga ma’qul kelmagan. Figu 2000 yilda kataloniyaliklar safini tark etib, madridning «Real» klubiga o‘tganidan keyin Barselonada u shaxsiy «non grata»ga aylangan.

derbyderbyderby.it xabariga ko‘ra, aynan Figu bilan bog‘liq omil tufayli «Barselona» va Revolut o‘rtasidagi ehtimoliy kelishuv amalga oshmagan.