Каталониянинг «Барселона» клуби ҳозирча CaixaBank билан амалдаги келишувини узайтиргани йўқ. Бу ҳолат клуб билан ҳамкорлик қилишни истаган бошқа эҳтимолий инвесторларни ҳам қизиқтирмоқда.

Revolut компанияси «Барселона»га манфаатли таклиф билан чиққан, аммо клуб раҳбарияти масалани ўрганиб чиққач, ҳамкорликдан воз кечишга мажбур бўлган.

Бу қарорнинг асосий сабаби — Луиш Фигу. Португалиялик собиқ футболчи Revolut билан яқин ҳамкорлик қилади ва амалда компаниянинг таниқли юзларидан бири ҳисобланади.

Айнан шу жиҳат «Барселона» раҳбариятига маъқул келмаган. Фигу 2000 йилда каталонияликлар сафини тарк этиб, мадриднинг «Реал» клубига ўтганидан кейин Барселонада у шахсий «нон грата»га айланган.

derbyderbyderby.it хабарига кўра, айнан Фигу билан боғлиқ омил туфайли «Барселона» ва Revolut ўртасидаги эҳтимолий келишув амалга ошмаган.