«Real» hujumchisi Kilian Mbappe klub prezidenti Florentino Peres haqida iliq fikrlar bildirdi va u bilan munosabatlari haqida gapirdi.
Fransiyalik futbolchi «Real»ga o‘tishida Peresning o‘rnini alohida ta’kidlab, uni jahon futbolidagi eng yaxshi klub prezidenti deb atadi.
«Florentino bilan ilk bor «Real»ga o‘tishimdan taxminan o‘n yil avval muloqot qilganman. U hatto qarorlarim klub foydasiga bo‘lmagan paytlarda ham ularni doimo tushungan.
Men undan juda minnatdorman. Men uchun u dunyodagi eng yaxshi klub prezidenti. U yana ko‘p yillar o‘z lavozimida qolishini istayman», — dedi Mbappe.
