«Реал» ҳужумчиси Килиан Мбаппе клуб президенти Флорентино Перес ҳақида илиқ фикрлар билдирди ва у билан муносабатлари ҳақида гапирди.

Франциялик футболчи «Реал»га ўтишида Переснинг ўрнини алоҳида таъкидлаб, уни жаҳон футболидаги энг яхши клуб президенти деб атади.

«Флорентино билан илк бор «Реал»га ўтишимдан тахминан ўн йил аввал мулоқот қилганман. У ҳатто қарорларим клуб фойдасига бўлмаган пайтларда ҳам уларни доимо тушунган.

Мен ундан жуда миннатдорман. Мен учун у дунёдаги энг яхши клуб президенти. У яна кўп йиллар ўз лавозимида қолишини истайман», — деди Мбаппе.