«Real» hujumchisi Kilian Mbappe Ispaniyadagi hayoti haqida fikr bildirdi va bu mamlakatda o‘zini juda yaxshi his qilayotganini aytdi.
Fransiyalik futbolchining ta’kidlashicha, Ispaniya unga doim yoqqan. Shuningdek, u bu yerda Fransiyaga qaraganda xotirjamlik va shaxsiy hayot uchun imkoniyat ko‘proq ekanini qayd etdi.
«Bu yerda o‘zimni kun sayin yaxshiroq his qilyapman. Ispaniya menga har doim yoqqan. Faqat dastlabki kunlar biroz qiyin bo‘lgan, chunki o‘sha paytda hali o‘z uyim yo‘q edi.
Bu yerda Fransiyaga qaraganda ancha ko‘proq xotirjamlik va shaxsiy makonga egaman», — dedi Mbappe.
«Real»ga o‘tishidan avval Mbappe «Monako» va «PSJ» klublarida to‘p surgan.
